Vishnu-Shatanama Stotram (vasudevam hrishikesham)

https://sanskritdocuments.org/doc_vishhnu/vishhnu100.html

https://stotranidhi.com/en/sri-vishnu-shatanama-stotram-in-english/

https://gurukripa.org.in/blog/vishnu/vishnu-shatanama-stotra

Commonly found in Dvaita websites.

nārada uvāca .
ōṃ vāsudēvaṃ hṛṣīkēṡaṃ vāmanaṃ jalaṡāyinam .
janārdanaṃ hari kṛṣṇaṃ ṡrīvakṣaṃ garuḍadhvajam .. 1..

vārāhaṃ puṇḍarīkākṣaṃ nṛsiṃhaṃ narakāntakam .
avyaktaṃ ṡāṡvataṃ viṣṇumanantamajamavyayam .. 2..

nārāyaṇaṃ gadādhyakṣaṃ gōvindaṃ kīrtibhājanam .
gōvardhanōddharaṃ dēvaṃ bhūdharaṃ bhuvanēṡvaram .. 3..

vēttāraṃ yajn̄apuruṣaṃ yajn̄ēṡaṃ yajn̄avāhakam .
cakrapāṇiṃ gadāpāṇiṃ ṡaṅkhapāṇiṃ narōttamam .. 4..

vaikuṇṭhaṃ duṣṭadamanaṃ bhūgarbhaṃ pītavāsasam .
trivikramaṃ trikālajn̄aṃ trimūrtiṃ ¹nandikēṡvaram .. 5..

¹ nanda-

rāmaṃ rāmaṃ hayagrīvaṃ bhīmaṃ raudraṃ bhavōdbhavam .
ṡrīpatiṃ ṡrīdharaṃ ṡrīṡaṃ maṅgalaṃ maṅgalāyudham .. 6..

dāmōdaraṃ damōpētaṃ kēṡavaṃ kēṡisūdanam .
varēṇyaṃ varadaṃ viṣṇumānandaṃ vasudēvajam .. 7..

hiraṇyarētasaṃ dīptaṃ purāṇaṃ puruṣōttamam .
sakalaṃ niṣkalaṃ ṡuddhaṃ nirguṇaṃ guṇaṡāṡvatam .. 8..

hiraṇyatanusaṅkāṡaṃ sūryāyutasamaprabham .
mēghaṡyāmaṃ caturbāhuṃ kuṡalaṃ kamalēkṣaṇam .. 9..

jyōtīrūpamarūpaṃ ca svarūpaṃ rūpasaṃsthitam .
sarvajn̄aṃ sarvarūpasthaṃ sarvēṡaṃ sarvatōmukham .. 10..

jn̄ānaṃ kūṭasthamacalaṃ jn̄ānadaṃ paramaṃ prabhum .
yōgīṡaṃ yōganiṣṇātaṃ yōginaṃ yōgarūpiṇam .. 11..

īṡvaraṃ sarvabhūtānāṃ vandē bhūtamayaṃ prabhum .
iti nāmaṡataṃ divyaṃ vaiṣṇavaṃ khalu pāpaham .. 12..

vyāsēna kathitaṃ pūrvaṃ sarvapāpapraṇāṡanam .
yaḥ paṭhētprātarutthāya sa bhavēdvaiṣṇavō naraḥ .. 13..

sarvapāpaviṡuddhātmā viṣṇusāyujyamāpnuyāt .
cāndrāyaṇasahasrāṇi kanyādānaṡatāni ca .. 14..

gavāṃ lakṣasahasrāṇi muktibhāgī bhavēnnaraḥ .
aṡvamēdhāyutaṃ puṇyaṃ phalaṃ prāpnōti mānavaḥ .. 15..

. iti ṡrīviṣṇupurāṇē viṣṇuṡatanāmastōtraṃ sampūrṇam .