Vēṅkaṭēṡa Prātaḥsmaraṇaṃ Ṡlōkatrayam

Taken from here:

prātaḥ smarāmi ramayā saha vēṅkaṭēṡaṃ
manda-smitaṃ mukha-sarōruha-kāntiramyam .
māṇikya-kānti-vilasan-makuṭōrdhvapuṇḍraṃ
padmākṣa-lakṣya-maṇi-kuṇḍala-maṇḍitāṅgam .. 1..

prātar-bhajāmi kara-ramya-suṡaṅkha-cakraṃ
bhaktābhaya-prada-kaṭisthala-datta-pāṇim .
ṡrīvatsa-kaustubha-lasan-maṇi-bhūṣaṇōdyat
pītāmbaraṃ madana-kōṭi-sumōhanāṅgam .. 2..

prātar-namāmi paramādya padāravindaṃ
ānanda-sāndra-nilayaṃ maṇi-nūpurāḍhyam .
ētat samasta-jagatām iti darṡayantaṃ
vaikuṇṭham atra bhajatāṃ kara-pallavēna .. 3..

ṡlōkatrayasya paṭhanaṃ dina-pūrvakālē
dus-svapna-duṡ-ṡakuna-durbhaya-pāpa-ṡāntyai .
nityaṃ karōti matimān-paramātma-rūpaṃ
ṡrī-vēṅkaṭēṡa-nilayaṃ vrajati sma yō’sau ..

.. iti vēṅkaṭēṡa prātaḥ-smaraṇaṃ ṡlōka-trayam ..