Padmāvatī Stōtra
Taken from here, in turn taken from Prapatti.com:
viṣṇupatni jaganmātaḥ viṣṇuvakṣaḥ sthalasthitē .
padmāsanē padmahastē padmāvati namō’stu tē . . 1 . .
vēṅkaṭēṡapriyē pūjyē kṣīrābdhitanayē ṡubhē .
padmē ramē lōkamātaḥ padmāvati namō’stu tē . . 2 . .
kalyāṇi kamalē kāntē kalyāṇapuranāyikē .
kāruṇyakalpalatikē padmāvati namō’stu tē . . 3 . .
sahasradaḷapadmasthē kōṭicandranibhānanē .
padmapatraviṡālākṣi padmāvati namō’stu tē . . 4 . .
sarvajn̄ē sarvavaradē sarvamaṅgaḷadāyini .
sarvasammānitē dēvi padmāvati namō’stu tē . . 5 . .
sarvahṛddaharāvāsē sarvapāpabhayāpahē .
aṣṭaiṡvaryapradē lakṣmi padmāvati namō’stu tē . . 6 . .
dēhi mē mōkṣasāmrājyaṃ dēhi tvatpādadarṡanam .
aṣṭaiṡvaryaṃ ca mē dēhi padmāvati namō’stu tē . . 7 . .
nakraṡravaṇanakṣatrē kṛtōdvāhamahōtsavē .
kṛpayā pāhi naḥ padmē tvadbhaktibharitān ramē . . 8 . .
indirē hēmavarṇābhē tvāṃ vandē paramātmikām .
bhavasāgaramagnaṃ māṃ rakṣa rakṣa mahēṡvari . . 9 . .
kalyāṇapuravāsinyai nārāyaṇyai ṡriyai namaḥ .
ṡrutistuti pragītāyai dēvadēvyai ca maṅgaḷam . . 10 . .